ஆலமரம் (Ficus benghalensis)

 

ஆல் அல்லது ஆலமரம் (Ficus benghalensis) விழுதுகளை உடைய ஒரு மரம். இதன் விதைகள் பழம் உண்ணும் பறவைகளால் பரப்பப்படுகின்றன.

பொருளடக்கம் 1 பெயர் 2 பயன் 3 சிறப்பு 4 படத்தொகுப்பு 5 அடிக்குறிப்பு

பெயர்

மரங்களில் மிகவும் அகலமான மரம் ஆலமரம். அகல் என்னும் சொல் ஆல் என மருவி வழங்கப்படுகிறது.^[1] அகன்ற அதன் கிளைகளைத் தாங்குவதற்கு அதன் விழுதுகள் பயன்படுகின்றன. கிளைகளிலிருந்து இவை கீழ்நோக்கி இறங்குவதால் (வீழ்வதால்) இதனை வீழ் என்று சங்க இலக்கியங்கள் குறிப்பிடுகின்றன.^[2]

பயன்

• ஆலும் வேலும் பல்லுக்கு உறுதி
• நல்ல நிழல் தரும். ^[3]
• இதன் இலைகளைத் தைத்து உண்கல இலையாகப் பயன்படுத்துவர்
• ஆலம் பழத்தைப் பறவைகள் விரும்பி உண்ணும்
• பசு கன்று ஈன்றபின் போடும் மாசியை வைக்கோல் தாளில் கட்டி ஆலமரத்தில் தொங்கவிடுவர்
• yedu nala karthu tarum

சிறப்பு

• சிவன் ஆலமர் செல்வன் எனப் போற்றப்படுகிறான்.^[4]
• திருவாலங்காடு என்னும் ஊர் இம்மரத்தால் சிறப்புப் பெற்றுள்ளது
• 'ஆல் போல் தழைத்து அறுகு போல் வேரூன்றி வாழ்க' என வாழ்த்துவர்.

படத்தொகுப்பு

• 

  ஆலமரம்
  
• 

  பழுத்திருக்கும் ஆலமரம்
  
• 

  பறவை தின்ற ஆலம்பழ மிச்சில்
  
• 

  அகன்ற ஆலமரம்
  
• 

  ஆலமர விழுதுகள்
  

அடிக்குறிப்பு

1. ↑

   அகல் > ஆல்

   பகு < பகல் > பால்

   துகள் > தூள்

   விழுது > வீழ்

2. ↑

   மரத்தின் உறுப்புகளில் ஒன்று வீழ் - தொல்காப்பியம் மரபியல் 90

   ஐது வீழ் இகுபெயல் (மழை விழுதல்) - சிறுபாணாற்றுப்படை 8

3. ↑

   தெள்ளிய ஆலின் சிறுபழத்து ஒரு விதை

   தெண்ணீர்க் கயத்துச் சிறுமீன் சினையினும்

   நுண்ணிதே ஆயினும் அண்ணல் யானை

   அணிதேர்ப் புரவி ஆட்பெரும் படையொடு

   மன்னரக்கு இருக்க நிழல் ஆகும்மே - வெற்றிவேற்கை

4. ↑ ஆலமர் செல்வன் அணிசல் பெருவிறல் கலித்தொகை - 81