சூரியகாந்தி விதை என அழைக்கப்படுவது உண்மையில் சூரியகாந்தித் தாவரத்தின் பழமே ஆகும். பழத்தையே தவறாக சூரியகாந்தி விதை என அழைத்து வருகின்றோம். காரணம், அந்தப் பழம் வித்தின் அமைப்பை ஒத்திருப்பதேயாகும். இதன் வெளிப்பகுதியில் மெல்லிய மேலோடும், உள்பகுதியில் உண்மையான வித்து அல்லது பருப்பும் (Kernal) காணப்படுகின்றது. மேலோடானது சுற்றுகனியத்தாலான, கிட்டத்தட்ட 20 - 25 % ஐக் கொண்டதாகவும், உள்ளான பருப்பின் பகுதி முளையத்தைக் கொண்ட விதையாகவும் இருக்கும்[1]. சூரியகாந்திப் பழமே சூரியகாந்தி விதை எனப்படுவதனால், இந்த மேலோடானது உமி என அழைக்கப்படுகின்றது. இது தாவரவியல் அடிப்படையில் வெடியா உலர்கனி (Achene) எனும் பகுப்பிற்குள் அடங்கும்.
உமி நீக்கப்பட்ட பின்னர் கிடைக்கும் பருப்பு உண்ணப்படும் பகுதியாகும். பருப்பானது நொறுக்குத்தீனியாக உண்ணப் பயன்படும். இது மிகவும் ஊட்டச்சத்து நிறைந்ததாகும். பல உயிர்ச்சத்துக்கள், கனிமங்களைக் கொண்டது[2][3]. உயிரணுக்கள் தாக்கப்படுவதில் இருந்து பாதுகாப்பைக் கொடுக்கும் உயிர் வளியேற்ற எதிர்ப்பொருளான[4] உயிர்ச்சத்து ஈயை அதிகளவு கொண்டிருக்கின்றது[5].
உமி நீக்கப்பட்ட நிலையிலும், நீக்கப்படாத நிலையிலும் இது கடைகளில் விற்பனைக்கு விடப்படும். இதில் கிடைக்கும் உமியானது உயிரி எரிபொருள் உற்பத்தியில் பயன்படுத்தப்படும். இந்த சூரியகாந்தி விதையிலிருந்து பெறப்படும் எண்ணெயும் விற்பனைக்கு விடப்படும்.
பொருளடக்கம் |
பயிரிடல்
| நிலை | நாடு | 106 டன் | பரப்பளவு (கிமி²) |
|---|---|---|---|
| 1 |  உருசியா |
6.3 | 1,70,75,400 |
| 2 |  உக்ரைன் |
4.7 | 6,03,700 |
| 3 |  அர்ஜென்டினா |
3.7 | 27,80,400 |
| 4 |  சீன மக்கள் குடியரசு |
1.9 | 95,98,086 |
| 5 |  இந்தியா |
1.9 | 31,66,414 |
| 6 |  ஐக்கிய அமெரிக்கா |
1.8 | 96,29,091 |
| 7 |  பிரான்ஸ் |
1.5 | 6,32,759 |
| 8 |  அங்கேரி |
1.3 | 93,028 |
| 9 |  ருமேனியா |
1.3 | 2,38,391 |
| 10 |  துருக்கி |
1.0 | 7,83,562 |
| 11 |  பல்காரியா |
0.9 | 1,10,993 |
| 12 |  தென்னாப்பிரிக்கா |
0.7 | 12,21,037 |
| உலக மொத்தம் | 31.1 |
No comments:
Post a Comment